ومضات شعريه عراقيه من الشعر الشعبي العراقي ذات طابع رومانسي يمكن اهدائها للحبيب و غيره:
ضكت طعم العسل من رشفة شفافك
وطفيت بحضنتك بالكلب حسره
نحل جسمي واشوف الكون صار اثنين
اشك بشفاك منهن صنعوا الخمره
………
بوسه اطيني كتلك ما كفرت شصار
كلت لأمك عليه وكبت الهوسه
حلكك به اشكال اطيني خدك عاد
وجنك ما شفتني واخذ البوسه
………
سولفلي عله كيفك حتى ادوخن بيك
وانت بكيفك احجي منين ما تبدي
رايد كلمه منك ياولفي انت شبيك
واني اباب حلكك كاعد مجدي
………
لحظه الما اشوفك كلشي عندي يضيع
ومو من عمري هاي اللحظه محسوبه
ما انامن بعد خليني اباوع بيك
عيوني لشوفتك كم عام مطلوبه؟
………
الملح لو بس يخطر ابالك تحليه
فوكه من العسل اطنان خليت
ومن كد ما حلو تكتل يحباب
من تلمس نوانه يصير جكليت
………
انت من تقره كفر تقره الكتاب
وانت معجم للعشك قاموسه
انت اية موسى بس مو بالادين
انت وجهك صار اية موسه
………
مو جنت طول العمر تمشي وراي
مثل ظلي تريد بس تشوفني
وامنت بيك الظهر ما ادري بيك
بس تصير الدنيه ظلمه تعوفني
………
اًنه ألي أحبه مايحب الناس
ولهذا السبب دمعاتي مفضوحه
لأن أعشگت واحد دور بهالكون
ماشاف أبحلاته رد عشگ روحه
………
تعال وخل أذَكرك ماضي الك وياي ..
غفت چم مره روحي ابين ذرعانك ..؟
وتعال وخل أَذَكرك .. يمكن انت انسيت ..
شم عطر الوفه تلكاه ابقمصانك
وتعال وخل أَشَوفك بالگلب نيشان ..
من توصل لگلبي اتشوف نيشانك
تسلم ايدك صوفي على الومضات الرائعة
واتمنى ان تقبل هذه مني
دنياتك صبح ما بيها لون الليل
عايش بل الضلام وليلك اعيونك
ما عندك حلك عندك ورد ينباس
ليلو مسطرات اتسطر اسنونك
تفوز انت الملك من تدخل استفتاء
واحلى اهل الارض لازم يخلونك
ما لازم هلك ينطونك لانسان
بس ليوسف المفروض ينطونك
وتفبل مروري