شعر عراقي خيانه و عتاب و فراق الحبيب

شعر عراقي حزين عن الحب

ياحسافه يموت حبنه والعشك يطع سراب
ويا حريمه تبقى ساكت ما يطلع منك جواب

لاترد مكسور خاطر
من عذابك كلبي شاب

من عفتني حجايه بلسان الشماته
كل حنين بكلبي ذاب

كتلك اكتب كلبي دفتر
كتلك اقره عمري صايرلك كتاب

تهت مني ودوريتك
ومن حسرتي كمت ادك باب باب

ياجرح ينزف عليه
تريد تجرح والجرح ما بعده طاب

لاتكول انساك لحظه
ولاتكول كلبي تاب

ما ألومك من تجافيني
بس كلبي حيران ويدور عتاب

ولو دريت الانتظار شكد صعب
هيجي معروفي ترده من بعد طول غياب

روحي تشكيلك محنه
وانت تسكيني عذاب

لاتصدك انا وانت نتفارك
لو نعيش لو نموت اثنينه جوه التراب

يا حسافه يموت حبنه والعشك يطلع سراب

اني راح انساج هسة
اي نسيت
شجان اسمج؟
قبل لاكلج وداعاً
عندي اخر شغلة يمج ..
رجعي لمساتي عفتهن فوك اديج ..
رجعي كل نظرة عليج ..
رجعي كل بوسة اعلة شفتج ..
رجعي اول يوم شفتج ..
حتى انسة بساع رسمج ..
رجعي كل كلمة كلتها
والله بس اوياج حاجي ..
رجعي كل كلمة شريفة
ضلت بأذنج تراجي ..
رجعي كل دمعة اعلمودج
والله بس اوياج باجي ..
يلله رجعيني ولد عمرة ما عاشك ابنية ..
رجعي ضحكت ولد شاعر جانت اتخبل علية ..
اني شفت الموت منج
عرفة ولفة اوية المنية ..
رجعي كل ليلة اعلمودج مانمتها ..
رجعي كل لحظة بعشرتج ضيعتها ..
رجعي كل شغلة اعلمودج عبرتها ..
يلله رجعيهن بسرعة
لا تهميني واهمج ..
انتي عفتيني ومشيتي
هاي ابد ما حسبتها ..
رجعي محبس جان بيدج
هاي روحي الرخصتها ..
رجعي كل وردة اعلمودج
موتتها ..
اذنوبي ؟
اذنوبي متودي لجهنم
لان جانت كلها منج ..
رجعي كل تعب التعبتة
رايد ارجع به حيل ..
يللة رجعي الهيبة به
عشت وي ناسي ذليل ..
رجعي به احساس عذري
ربي ديني المستحيل ..
رجعي ذاك احساسي وينة
جنت ما تحجين افهمج ..
رجعي لون الشعر ليل وللوجه رجعيلي الاحمر ..
رجعي شو محد عرفني
لان لون الوجه اصفر ..
رجعي ثوبي امن التواضع
عمري ما لابس تكبر ..
رجعي كل ادروسي هسة
جنت متعوفيني اعلمج ..
رجعي كل احلامي هسة
رجعي كل احلامي بيج ..
جنت يوم الما تجيني
اني بحلامج اجيج ..
رجعي يوم البي شريتج
لوكف وما اشتريج ..
رجعي كل الى نطيتج والنطيتي راح ارجعة ..
لحظة خل اصفن اشوية
انتي بس مطيتني دمعة ..
يلله فتحيلي شليلج
كلشي منج راح اودعة ..
واخذي هجرج
واخذي غدرج
هذا جرحج
هذا سهمح
اني راح انساج هسة
اي نسيت
بله ذكريني شسمج