موسوعة الزهيريات الشعريه: مجموعة زهيريات شعر عراقي منها زهيريات عتاب و زهيريات حزينة و زهيريات حب و غيرها
يازين طعم العسل مخزون في شفتك
وروحي عليه ترد ولله لولحت شفتك
شفتي تعاسه واسه وصار الفرح شفتك
وكل ما اخلص حزن حزني عليه يعيد
والجان ماصدكت هاك الاجروح وعد
صايم ولا افطرت من مر عليه العيد
ايصير اعيد وانته اهلال ماشفتك
يا صاح انت الكبد وانت بحياتي ورد
اتمنيت اوصل الك وانطيك روحي ورد
بالروح حبك زرع بستان هيل و ورد
وسهام حبك صفن بالكلب ميه والف
انت وليفي صرت وماعندي غيرك ولف
لو ابقى كل العمر افتر وادور ولف
ما ألكه مثلك محب ولا ألكه مثلك ورد
كصت شعره الخلك بس مو مثل كصتك
وماشفت بين البشر طولك ولاكصتك
جن واله انس كلي شنو كصتك
عجبني طيفك معاي ايبات عجبني
وكل ما اروح الدرب الكاه عاجبني
تدري شنو انته الفتني وبيك عاجبني
عاجبني كلك حلو من جدمك الحد كصتك
عن حالتي لا تسل يا صاح ملوني
وبنار هجر الغضا ذولاك ملوني
تايب على حبهم ما يوم ملوني
تم القلب مبتلي وحيران وياهم
وبفراقهم مهجتي واعضاي وياهم
ذاك التعب والسهر ما فاد وياهم
لمَّن حجيت الصدق يا ناس ملوني
گلبي الگبل مايون بجفاك وننته
وضنيتك انته الفرح ثاريك ونه انته
مامش طيوفك واباري ابشوگ ون انته
ماخوذ مني وخيالك ابد مالحظه
ورسمك يزين النبا مبعد علي لحظه
مشتاگ اشوفك ولو مشوار لو لحظه
وين انته روحي دنت عالموت وين انته
دنياك ملها وفه غدّاره بالصاحب
بايّام سعدي الى كل الخلك صاحب
لمَّن جفاني الوكت ما ظل الى صاحب
لا تصاحب اللاش خلّه ينجلع ويروح
وصاحب الزين ما عزت عليه الروح
دار المعزة عذب قبل المذله ايروح
ويمته يدور الفلك وانعاتب الصاحب
راح وكسر خاطري ولملم طيوفه وشال
ونهر المحبه نشف ظلت جروفه وشال
الزمن ماعافني رد عالكفوف وشل
ماعفت حبك انا كلبي على حبك ظل
عالهجر شو تعتني عالوصل دومك ظل
بجتافي اغطي الشمس بالصيف اصيرن ظل
لو مر عليك الشتا لفني على صدرك شال
احباب كلبي ارحلو ولغيرنه دارهم
مادري شنوه السبب عني الوكت دارهم
من شالو باليل عكلي والكلب دارهم
سهران مالي ونيس بس النجم ينعد
مطعون بوسط الكبد عندي الم ينعد
والله لولا الزمان الراحلي ينعاد
لعوف الاهل وسكن قرب دارهم
منهو ضعيف البخت الكال منحبكم
واحنه عطاشة ونروم الماي من حبكم
واحنه الزرعنه كلبنه ورود من حبكم
واصبح دليلي كطن به الليالي اندفن
وتظل جروح تندي وايندفن
ان جاكم خبر ان المرسل مات واندفن
اعلم تراني متت يازين من حبكم
ضحكت حبيبي دوه الجر الكلب شافتو
عينو وسيعة ومثل لون الجمر شغتو
ولفي احلا من الكمر طعم العسل شفتو
الكمر مالو عطر هيل مخلوط ابان
ولاطولو طول الرشى ولاغصنو غصن البان
الكمر لوما الشمس مالاح نورو بان
واني الشمس تستحي من ولفي ان شافتو
سألوا تعرف الفرح لا جاوبت معرفه
وسالوا تعرف الحزن أي جاوبت معرفه
من حيث شاعر صرت وادري الشعر معرفه
ومختص فقط بالحزن غير الحزن مكتبه
واسبابه عندي جرح ما سد ابد مكتبه
وشكبان منه الألم يمكن واظن مكتبه
وديوان دمعي انطبع دار النشر معرفه
ياصاح جوي خبط ماضنتي يصفي بعد
من يوم شال الترف من يمي راح وبعد
وضليت اصفك بدي مافكرت بلبعد
كالولي اصبر لازم يجيك بيوم
خلصت كل عمري انا احسب اليوم بيوم
تيهت انا حسبتي وثاريني باخر يوم
كالولي هسه يجيك كلتلهم شظل بعد
(&تلفت دربك كثر ماروح بيه وارد
وانت بصدودك وابد ماحن دليلك ورد
رسمك ابالي ولا رسمي ابالك ورد
يازيك صد وكبر الله الچبير العلي
والطير يزغر ترى شما صار بسماه علي
شنهو اللي بيكه حلو كبرانه نفسك علي
بس وجهك انت گمر والطول غصن الورد)
(يمه رمانه الهوى وحيلي بدا امحلل
ونار بدمي اسعرت ما شافه امحلل
ناديت ولفي تعال ابشوگ ومحا الليل
وگرب عليك النبي والواحد الاحد
وزيح همي البدا من اثنين للاحد
وانه ييمه المتت لا تتهمون احد
چتالي ذاك الترف ماهوب ومحلل )
(يا صاح ثكل الدمع بجه العيون وشرد
الناس تنشد علي مدكلي خايب شرد
الي انطيته عمري غافل اكليبي وشرد
ماخله به لحم بس العضم بهدوم
لا تضن حجي الدغش عمرك يخلص به دوم
حياتك يصاحب مدرسه وماتضل به دوم
ومن يسئلك ربك اشتحجي عن المضه
وشترد)
ياصاح دون الخلك كلبي الك فاتحة
والكلب ينخة الحلك بالحب الك فاتحة
اي والذي نزلج ام الصور فاتحة
مابين ضلع وصدر حبك حبيبي لطم
وحجي العوذل ترة يضربني صاير لطم
لو غبت عني ترة ابيتي يصبح لطم
ويصير كل العمر بعدك ترة فاتحة
كتله انا معجب ضحك معجب انه بشفتك
كلي شايفني كبل؟ كتله ولا شفتك
كلي دفكني اذاً كتله شفك شفتك
كلالي امنن ترى كتله انا احب منك
كلي دليني الدرب كتله الدرب مناك
كلي امسودن اذاً … كتله الدوه منك
كلي شنهو الدوة كتلة الدوة شفتك
يا صاح لمن تمر سولك علينة مرة
كلت للشماتة عسل يالعشرتك مرة
ضوكيني يادنيتي يوم من الفرح مرة
وردي علي يادنيتي مني
مطبوخ يا صاحبي هم ينوخذ من ني
نصيحة ارد انصحك حجاية اخذ مني
الحب ماهو لعب والعشك بس مرة
يادنيا عيدي الزمن لحظات بس عيدي
اشوف ذاك الجنت وياه بس عيدي
الناس يغمرها الفرح بالعيد بس عيدي
حزن ومأسي وقهر ودموع عيني تهل
وجروحي تلجم لجم والدنيا فوكي تهل
ياعيد المن تجي يهلال المن تهل
مادام محبوبي رحل هالعيد موعيدي ……..
تريد احزان فك الكلب بي كم
ولا واحد نشدني الجيب بي كم
مو شايل كلب ايكول بيكم
اذا كل ساعة عشرة يحب سوية
(طبعا مجاهد يضل يجمع صلاة ُ بقصر
من حيث له انبنه عد ربُ بيت وقصر
والله ونعم الزلم مابان منهم قصر
واللي عليهم جره مرد گليبي وحش
كبودي يناس وغدن چن مار بيهن وحش
لكن عتبنه يخي عالوضع هذا الوحش
لخله اسود الفله مسجونه في ام قصر)
ياصاح عودي ذبل وبكل دوه – مايصح
والدمع هل وجرى من مقلتي – مايصح
حتى مخلول الذيب مثلي لو صحت – مايصح
من حيث انه مصيوب حدر الجوانب – تبن
ومعالج الروح سري اعلى ماموتن – تبن
لاتنهضم للسبع لو جان علفه – تبن
اليوم حتى التبن علف السبع – مايصح
