ابوذيات شعر عراقيه – ابوذيات عراقيه – مكتبة الابوذيات

نقدم لكم مكتبة الابوذيات من الشعر الشعبي العراقي منها ابوذيات حب و رومانسيه و غزل و غيرها

ابوذيات عراقيه

قلم كلبي تداين ورقة منك
لان ماكو بجماك ورأقة منك
اسجلنك انتة الاول ورقمنك
واكتب لافتة محجوز الية

احط لكليبي اجناحات ويروح
الك يحمل رسايل عتب ويروح
صفن وسط الجسد روحين وي روح
ونعيش العمر ياَ مدلل سويه

غزل عينك رهن روحي وجره
وشعل نيران البكلبي وجره
اريد اتمسك بشفتك واجره
حتى انقل ذنوب البيك الية

رسايل مو بخط وقلم وديت
وتفصلني عله طولك ترف وديت
جثيره حمول ذبو علي وديت
وبعد حملك ثكل واصعب عليه

حبي انفضح لاجلك صار شعلة
وانة النورت دربك صار شعلة
اشعلة الكلب رايد ؟؟ صار اشعلة
واني بيك ابتليت وشلون به

سل ألرماح ألعوالي عن معالينا
أذا جتك أطلابة كلهم ماعلينا
شكثر عدنان كظاهة يركض مع لينا
وتاليهة يجي عبسي يفيك علية

عيونهَ كبل شفاه شتمني
وأنذهل علي ودليي شته مني
انهجم بيتج يروحي شه التمني
تمنيتي الذي يصعب عليه

أمتحنتك ردت أجربّنك صح تحل
تشد جرحي واذا شفته صحة تحل
بعدني ما طحت يمك صحت حل
لو طايح صدك شتسوي به

-صار سنين ما تفهم وانة اشرح
ليش جروحي يلتحمن وانة اشرح
راح تروح من عندي وانة شراح
راح اصفك اظل بثنين ادية

-جذب جفي بعدكم يومي لاحد
وهواكم وين حدّه يوم اله حد
انه لو ماجيكم يوم الاحد
الثنين من الصبح لطموا علية

-معك خانتي روحي واكشفتهة
تزاعلنة ومشتلك وك شفتهة
وتسب بيك وتعض وك شفتهة
وتأشرلك علي يعني علية

-جمع ربك غزالة وي نمر بيك
و أدوّر وينة شهدك وينة مر بيك
و مر به تكلي وين امر بيك
امر شلون بيك وانت به

-بكتني كبال عيني وشبكتني
عمر لجلك فنيته واشبكة اتني
تدري لو بستني وشبكتني
تردني بشبكتك للجاهلية

-جنت اغزل رموشي وانسج اسمك
وجنت نصي واشبكك ونسة جسمك
تنسى شلون جسمي وانسى جسمك
وهن جسمين بيهن جاذبية

-علّي جار الوكت تنشد بلى جار
بعت بيتي وسكنت البر بالايجار
بلا صاحب بلا زاير بلا جار
خيال الكوخ صاير جار الية

-انة القاص سالفتك و راويك
علّي ضميت ليمونك و راويك
يدولر الوكت يا خلي و اراويك
و اذكرك من تجي وتبوس ادية

-قص شما يخطر أبالك وانا اقص
وشد حبال عشرتنّة وانا اقص
ما اصاحب نذل مثلك وناقص
واذا اسلم عليك أغسل أديّة

-عيونك تصيب الگلب بسهام
يلي ابد ماشفت بهواك بسهام
انا طير المهاجربالفضاء بسهام
اشوفك وانه اتايه بالبريه

-همت وانسلب عكلي وزادمرضاي
على المر ماشفت شخصةمر ضاي
لون بات الترف بحشاي مرضاي
اكله اكرب يهل مبعدعليه

-سماح اطلب انا المنكم وهدنه
كمش بيد التعورنه وهدنه
جبل راكع خجل جيتك وهدنه
اصير اتراب ونته اسحك عليه

-وحگ اعيونك ورسمك وداعك
وحگ جلماتك الحلوه وداعك
يصاحب فرهد ابروحي وداعك
انتلف ثلثين والباقي باذيه

-تلوج الروح ياأحبابي وراكم
وعجاج الضعن سد عيني وراكم
يدمرني الحلم بيكم وراكم
ويريت الحلم واليقضه سويه

-وسط گلبي يظل طابع وسمه
عسل صافي حلومرهاوسمه
صفيت متيه باسمي وسمه
لان هيه النجم وانيالثريه

-الدنيا خلافك وحشه ومره
ولا منك بعد جيه ومره
صورك مره اضمنها ومره
اشوفنها توج نيران بيه

-ونيني لا سنه يبطل ولا عام
ولا سيد برى العلتي ولا عم
ولا عندي اخو بدنيا ولا عم
اون بسكوت والعله خفيه

-حجي العذال عذبني وذاني
وباب الكلب سديته وذاني
احبك يا بعد روحي واذا اني
هجرتك كول بالحب مو وفيه

-زرعت الورد ماخضر ورد لي
بس التعب من عنده وردلي
حبيبي ارجع خلص عمري ورد لي
خل انعيش ايام الهنيه

-يبعدني الوكت عنك وردلك
واحب يوصلني مرسالك وردلك
باقة الروح اقدمهاوردلك
واقدم عمري للغالي هديه

-فرمن صدري دلالي وردلك
وبيدك روحي سويه وردلك
اريد الشنه انه النفسي وردلك
عش ابخيرانته اوهي هيه

-وحك حيدر علينه وذريته
ودليلي بسيف هجرك وذريته
جمعت ارماد حبنه وذريته
بدربك يالكطعت الوصل بيه

-حبيب الروح صداني وردني
ومسحت الدمع بجفوفي وردني
اذا مرسال من عنده وردني
مثل ميت ترد الروح بيه

-راح الجان باحضانه يلمني
وخلالي جرح ينزف يلمني
علام المادرى بظيمي يلمني
والمجرب يون ويدك عليه

-اكتبلي شما ردت تكتب وردلك
بساتين بوسط رؤحي ورد لك
اغيب وابتعد وازعل وارد لك
لان القلب بيدك موبديه

-أتِلّ روحي اعله شوفتكم وتالي
بهضني وكَلت ها عونج وتالي
من شفت الخبر منكم واتى لي
انتجيت وكَلت اردّ الكم هديه

-يهالجيتت ما فكرت بتلاك
انكطع بت الدليل وبقه بت لاك
تدري الموت جرني بساع بتلاك
لان عكبك صعوبه العيشه اليه

-عَلَي دنياي ذبت حِمل مره
وروحي عليك تنشد دوم مره
غالي انته وابد ما يوم مره
لأن محسوب كل ذرّه عليه

-على ضيم الهوى ياروح علمي
وبيها ارفعت اني اليوم علمي
سالتها المستوى وتكول علمي
بخامس باء يالتسال عليه

-قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
ذا غيرك يمس اطراف ادية

-الك ياصاح ماظل مني خاطر
احسبه احساب دربك من اخاطر
تعال كرب حبيبي مني خاطر
تعرف اجنون حبك اسوه به

-لاتضن نار كلبي عليك تبرد
وبعد كل الحجيته وياك تبرد
اشوكت ماجيك بسجين تبرد
دهاك اذبحني هوة اشضال بيه

-اخذ كل شي الوكت ياحيف مني
ويدنيا ابكيفج انتي اشلون مني
عرفت الصوج كل الصوج مني
لان ماحسبت تفتر عليه

-مامش صوج من عندك وخله
اتركه المايود شخصك وخله
كلمن صاحبه بصفه وخله
وانا بصفي شماته اتحيط بيه

-ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا بسنه
تزعل ليش يمدلل عليه؟

-تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

-عليك الليل كله انه ونه
ومعاك العتب هسه ان اوانه
اتهدد بالنفاها انه وانه
وينك مو طبك دهر العليه

-غرامك اثر بالعشك وداره
هجرت الى تعب وياك وداره
سمعت بقيس عاف اهله وداره
حملت الضيم وهمومك سويه

-منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه

-يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه

-قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

-حبيبي شرد اسولفلك ولكدر
والهموم مبن ماعاين ولكدر
الى جان وكتي ولكدر
وصرت انته والوكت عليه

-نوبه حلوات الليالي نوبه مرات
وحبيبة الروح علي ما مرات
مو مره الخنتي يحبيبه مرات
تخونين وتصح به الاذيه

-ولو مايسوى كلمة من اكتبة
ولكن سالفة ونكتة نكتبة
شنو حكم الغدر صاحب نكت بيه
عليه التف غفل لفة الحية

-العقل بأمر الصديق ارجوك حكمة
وبدال النكتة خلي ايكون حكمة
اليغدر صاحبة مو مهم حكمة
المهم شلون نتلافة القضية

-صرت كهوه لحبيبي بوسط فنجان
فن انس الى يوصله فن جان
اذا العاقل نضرلك نضره فنجن
وانه المجنون وتكلي انظر اليه

-انة الحزت الصبر والصبر حزني
والف وسفة اعلة سيف الظلم حزني
البحر البيض لون يلفيه حزني
يصير اسود بلون اليل مية

-أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارى ضيك
واذا ًَمََرك حزن احسه بيه

-حلو إسمك وأبوك شلون سماك
حبيبيك لو زعل وياك سماك
صرت سمچه وانت الصرت سماك
لو طحت بحنانك إعطف عليه

-احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه

-جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

-جمر دمعي عله خدودي ترى سال
كطعََّتّّّّ اخبارك حبيب تراسل
انه انسليت من هجرك ترى سل
وتون الروح وتريد المنيه

-يمرمرني ويصيحن به همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

-وحگ عيسى وحگ مريم والاحد
بعدهم ما تهل عيني عله احد
حفر گبري من اخذ روحي ولحد
وقروا الانجيل من صلوا عليه

-زماني شما لعب به ولهتم
والراده علي يسري ولهتم
بروحي شماتغيرتوا ولهتم
لان حبكم دوه لكل مرض بيه

-كلبي من الحزن ورث وعطاب
وعيني اعله الطالع وعطاب
حنيت لزادك وملحك وعطاب
لان بس ملحك الغزر بيه

-جيتك وبظلام الليل عناي
وعزفت بروحي مية جرح عناي
بعد ما ظنك تنشد عناي
بعد هجرك يروح الروح اليه

-مره اشوفكم مشمش مرتين
وكلبي مو مره حب مرتين
العنده مره هلكانوانه مرتين
وحده ترفع والثانيه تكبس بيه

-بنات الوكت يا ناس مرضني
يرضي بيهن الكلب مايرضيني
مره يقيني يصيب وياهن مرضني
ضني بكيدهن ميه بالميه

-فراكك هدني ولا خله به ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه

-نساك الطلع برة ونتناسة
يالعراق انت اهله وانت ناسة
يذكرك تراب الوطن وانت ناسة
لاتنسة الفرات من شربت ميه

-الهجر يكتل يصاحب وانت داري
عليك يخاف كلبي وانت داري
انت اهلي وعمامي وانت داري
انت امي وابوي واخ اليه

-ابشرك مابعد بالعين ضل ماي
وحس حته الصبح بجفاك ضلماي
زماني مرادف عله الروح ضلماي
سلب عقلي وشدهني وشد اديه

-رمح جارح وكتنه خله بينه
ثبتنه وعيب بانت خله بينه
طبع احنه من ابونا خله بينه
نبيع ارواحنه ونحمي الخويه

-يهل روحك عله الطيبات تربه
وعله دربك تظل العين تربه
ياريت اكعد عله مصلاك تربه
وابوسك من تحط كصتك عليه

عسى بعيد كصير العمر ماطال
يامن وجهك بعد عالعين ماطال
ردي حظي وشخصك ابد ماطال
لون محظوظ كلك بين اديه

-اخذ درسك تعلم من نبينة
وشارت سادة صارت منة بينة
تهنة بوصفة احنة من نبينة
لان شمس وكمر طبكن سوية

-أبد بغداد ما سقطت هوانة”
ودمنة السحب نازفتة هوانة”
اًنة مو اًنة العراقي هواًنة”
الشلت مگوار والفالة عشية

-مصايب غربتي بهجرك لوني”
أفرح وأنسعد وأرجع لوني”
أمنيتي من العمر يمك لو أني”
تواسيني وتضمد جروحي الية

-سلامي للولف ياطير وصله
احبه ومن صدك محتاج وصله
كريم النسب ابن شيوخ واصله
اصل عز واصل غيره وحميه

-اخوتي الچنت اودهم دوم يمناي
عگبهم ماتهوش عداي يمناي
گمت اصفك يساري فوگ يمناي
على ابن امي السرة تحت الوطية

-أبتليت وشال كلبي بابلية
ومنك خذت بابل بابلية
بعد للبيت ماحط باب لية
شتلعتهة بدكتك يعطلك علية

قهر حبك حبيبي عسل ويجوز
بحبك مايتوب القلب ويجوز
تريد انساك بس بلموت ويجوز
تلمنه الجنه ونعاود سويه

الكمر دنك يبوس ايدك والك مال
ودليلي زاعل الدنيه والك مال
امتحنته لاطلع راسب ولاكمال
طلع شاطر واخذ بلوفه ميه

-افكر فيك ياصاحبي ولانام
ولاغمض جفن عيني ولانام
احب اكعد كدامك ولانام
بعيد وشوفتك حسره عليه

-نحيل الجسم من بعدك تراني
اريدك دوم بعيونك تراني
افكر بيك كل ساعه تراني
احبك حيل يدل ماوفيت اليه

-وحق الى تعبده الناس وحده
حبك سلب مني الروح وحده
هذني اثنين ونته اختار وحده
ترحل لو تضل محبوب اليه

-صحيح بعيد بس قلبي شعر بيك
حزين وباقي بس يكتب شعر بيك
عجيبه اشلون ضل اسود شعر بيك
وانه بفراكك ماضل شعر بيه

-احبك حب ماينكتب وصفه
عليك القلب مثل الذهب واصفه
عليمنيكتب الدكتور وصفه
اذا عيونك والشفايف صيدليه

-شهر سيف الهجر ضدي وسله
نساني اوراح وي غيري وسله
عنب ماحصلت منه وسله
طلع ذيب أوكتلني اربات إديه

-ابيك انه وابد ماكول مابيك
يلكلك حنان وشين مابيك
غبت عني وكلي شبيك مابيك
انته العزيز التبقى اليه

-يظل طيفك حلم يسكن فراشي
وتظل أنت الورد تجذب فراشي
وأريد بروضتك أصبح فراش اي
وشوفك حتى كل صبح تمر بيه

-الليالي اشهود اذا ناسي وعيدك
بلكي اتعود للماضي وعيدك
شعلت اشموع ميلادك وعيدك
وفرحت رغم الجروح الى بيه

-حنانك ما وصل مره حناني
قسه كلبك كسر هجرك حناني
اذا اشموع الفرح يمك حناني
الشموع تذوب وجفونك بيديه

-اريد اسال كلبي شخذ وشراد
ليش بغفله عني ابتعدوشراد
لونك تدري كلبي شطلب وشراد
يريد يصير الك وانت اليه

-الوكت مايوم منه حيراني
السهرني بس جمالك حيراني
اموت ويمر شخصك حي يراني
بنظر عينك ترد الروح الية

-همس طاريك لافكاري جفله
حمامه وبالعشك طيرك جفله
الفرح مايرهم لروحي جفله
شفت بس الحزن يرهم عليه

-وحك من صاحت بطفها مانخيته
عنيد الراس عندي مانخيته
راد انخاه الشامت مانخيته
مثل راس الرمح مابيه حنيه

-لان ماريد اشوفك يوم حزني
وتدري ابسيف هجرك ولك حزني
كلبك انت وحدك الى حزني
و (حيازه وحمل) سلمتك بديه

-لو راسا تكلي ارجوك هدنه
وتعاركني وتريد انوب هدنه
ولك والله العشك وياك هدنه
مريض انه تعال اسال عليه

-لو مره تمر مثل الشماته
وانا لنحرك يالاسمر وك شماته
ولك مغرور كالولي بشماته
صحيح ابشامتك تنغر عليه ؟

-لو تذكر رباي وياك والعن
ولا تنغر على اللي بيك والعن
فرضنا لو اسبك حيل والعن
مريض انه تعال اسال عليه

-لو تعرفني احبك واشتمنك
ولان منطي للواشي وشتمنك
اريد اليوم احضنك واشتمنك
واشوفك هم تذب روحك عليه

-وشوف اشلون حالي منتسلني
ولكن سيف صدك منتسلني
الدمع يغلب جوابي منتسلتي
اضحك بالجذب غصبن عليه

-يا صاح طال هجرك مر علينا
مو حتى الزاد بعدك مر علينا
اذا بعدك تحبنا مر علينا
تعال وكروة التكسي علينه

-سواد العين عكبك سال مني
وأعاند وي عذولي سالمني
جفوف هواي عكبك سالمني
ونارجفك ليهسه بين ايديه

-اريد اخبط مزيج الرمل والحر
وادور عل الصديج الوفي والحر
نخيت الله وابو الحسنين والحر
يحفظ كل اخو يذكر اخيه

-يا شارع اشوفنك وه تادي
اريد اصرخ بعالي الحس ونادي
وحسرتي تحرك اليابس ونادي
يمته تمر يمحبوبي عليه

-كلب يعوضك يوم لا اثنين لا عشره
حبيبي صاحبي هلي وكل العشيره
رحت هسه ونسيت الملح والعشره
ونسيت كل لحظه انت جنت ما بين اديه

-رقيق وروحي وي الولف ورعه
حطيته بوسط دلالي ورعه
لعد بابه رحت بهمومي ورعه
بسرب شوكي يريت يحن عليه

-صفت بس للدمع عيني وكتبي
طره لعبت بيه انته وكتبي
طبعت اسمك على اوراقي وكتبي
وحكم حبك علي بس الاذيه

-وحده .الوكت حضر سجاجنه .وحده
اومثل طيره ابقفص روحي .وحاده
شتريد اتسوي هل ضلت .وحده
ضلة بس تشاكفهن خطيه

ادور رفوف كلبي عليك رف رف
لكيتك نبض بالدلال رفرف
يا بيرغ عراضة زماط رفرف
تروج الكاع حدرك يا شفية

-اتراكم بل دليل اهموم بعداك
وجزه يعكوب حزني عليك بعداك
شعدنهن ليالي الجزن بعداك
شريد احسب يزيد الالم بيه

-بعددين دمرلي وحسب الجيه بعددين
يدل ملكاك اعدنه بعددين
ياعيد اليمر وانتم بعددين
يعيدي جن محرم مرعليه

-زماني جرد سيوفه وسنه
عليه او حرمت عيني وسنه
وحق الى فرض خمسه وسنه
بعد هيهات عيشه تصير اليه

-جمالك رضرض عظامي وكهرب
لأن كلك خرز ليلو وكهرب
انصحك لاتظل يمي وكهرب
اخاف اطيح كلك بين اديه

-قطرة حيا انه والتكصة
يعرفنة النشد عنه والتكصة
ولك احنة بجسم واحد والتكصة
جفك لا تضن كصيت ادية

-حلو مكتوب من عندك وفاني
وظل وياك ياغالي وفي اني
ادري بالعمر كاضي وفاني
بس حبكم عمر ويطول به

-تضل تاج على راسي مالي غيره
وترة الينكر العشرة مالة غيره
لون تطلب كليبي مالي غيره
انطيك الكلب وعيوني هدية

-هدمني حيل حبك وارد احلي
والحل فقط عندك وارد حلي
احط شفتي عله شفتك وارد احلي
لحد ما يصعد السكر عليه

-علي تمطر مصايب من سحبكم
منو مني اخذكم من سحبكم
لو عذبني حبكم منسى حبكم
لان ماكو اعز منكم علية

-روحي فراك خلاني عسله
سموم وحنضل بريجي عسله
الناس البعدتك عني عسله
قلق دايم ولا ترتاح هية

-وصل مكتوب من عدكم وردبيه!
حرت شكتب جواب الكم شرد بيه!
الوفه والطيب من عدكم ورد بيه!
انتو اهل الوفه واهل الحمية

-روحي كل وكت تسمع دوله
ومن وني الارض ضاجت دوله
عمت عيني وبعد ماكو دوله
عمة وفوك العمة علة خفية

-يروحي بطلي المعاشر وعودي
سباني ونحل اعظامي وعودي
اني الما خنت مرة وعودي
عجب ليش الحبيب يخون بيه

-ربك لليريده باب هدله
وانه دشداشتي امن الزيج هدله
الجلب لو شاف اخوه انوله هدله
وانه اخواني اصبحوا عدوان اليه

-صديقي الماخذ بشورة وراية
اثاري يطعن بضهري وراية
علك لافتة بضيجي وراية
واشوفة بلا خجل يضحك علية

-سلطانك وصل للظيم خايب وصه بيه
انه بطيبي الصبي شاهد والصبيه
عابر سبيل احسبني ربك وصه بيه
وفك حبال ظيمك من اديه

-صرتو انتم سوالفنا وحجينا
وعليك بخير صدكني حجينا
حبيبي ارجوك جاوبنة حاجينا
من تزعل تضيج الروح به

-هله يالوالفاك الگلب ولفيت
نشف ريجي وعليه اگبلت ولفيت
أريد اخطف عله الشمات ولفت
نضرهم من تحط أيدك بديه

-حبيبي لا تظن انساك وله
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

-الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

-انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

-دحوك بثوب حسنك وانسجنه
بجهنم حبك أرضه وانسه جنه
انحبسنه بقفص عينك وانسجنه
وتحط رمشك كلبجات بإديه

-الحلو ردناه يجينه بس ميانه
أبد ماردنا كوة بس ميانه
أريدن طابو كلبك باسمي اًنه
عقار أسحب عليه وابنيه اليه

-أراوي جروح كلبي وانته راوي
ورواية شوك روحي وانته راوي
عثك الناس حشف وانته راوي
بريمك طاح من خدك بديه

==

متت وحساب حبك هيج أذاني
وصرت مجبور اجرلك هيج اذاني
تدري اشلون أأذن هيج اذاني
اشهد ان حبك مو بديه

أسب كلمن يلوم العشك وشتم ..
وعلى صدري اضمك حيل وشتم ..
انام اوياك طول أبطول وشتم ..
عطرخدك يرد اروح اليه .

جرح جرحي ياروح الروح ما هاد
زماني مجلب بثوبي وابد ما هاد
انوليت واخوي.ابد.ما هد
الف وسفة معاهم هد عليه

نجن كلبي من شافك ودرباك
وحرت اشلون اعلمنك ودرباك
كضيته ازحوف شارعكم ودرباك
وزلغت الركب وعكوس اديه

وأنا اشكيلك اجروحي اشلون .. فرعن
وگلبي اللي ابغيابك عليَّ .. فرعن
واذا حكمك وياي ابحكم .. فرعون
عصت موسى اًنه ابين اديه
**
وأبطل بالعصى سحرك .. وكيداك
واًخذ حگي أنا بيدي .. وكيداك
جوه وتشلع ابگلبي .. وكيداك
دجر ايدك ، شنو ماتحس به !؟؟

مايوم الدمع بطل وجاري
انتخيت اهل الشرفكلهم وجاري
غزاني المرض ياوسفةوجاري
وية الدمار ضل يسري سوية

لون تدري عليكشكثر ونيت
نشدت وما حصلي جواب ونيت
كطعت علية كلمرسال ونيت
شنهو الصار ما تسئل علية

شكثر سامع قصصبلحب وقاري
وغرامج ثبت براسي وقاري
ملة اصبحت بفراقجوقاري
ادك والطم هواج شعمل به

كتلك اخذ كلبيوكتلي متريد
كتلك ما اريد شبر بينا كتلياريد
واللة لو تلعب ببرشلونةومدريد
متقربك حتى الفيفا علية

عليك شكد رف كلبيوداري
ولجل عينك بعت ملكيوداري
اضن تعلم بضيمي وداري
شكد احبك بس انتةتضحك علية

ترف عندك سوالف ماردتني

أذن منك خذتني ما ردتني

منه ردتك بالبدايه ماردتني

هسة اتريدني شتسوي بيه

عكب عينك بعد بطلت ما احب عين

احبها وتالي شامت ينعجب بها

ارسمها بيدي حتى خاف اتضيع

ما دور او اسأل ضاعت الكيها

انه اعاتب اعيون الصدك مرسومات

اعاتبهن ابصوتي ودمعتي ابجيها

وما عاتب اعيون الصدك بالبسكوت

وابجي بسد ضحكتي ودمعتي اخفيها

ما انكر حجي عيونك قصايد جان

حافظ كل صورهن عالملا القيها

بس لا …. هسة من الكه ابوصفهن بيت

وحق الناصريه عن كل القصيدة ….. اتنازل انطيها

انه جويت اصابع قلمي حتى انساك

اذا ذكرتك روحي …….حالف اجويها

ولو نص القصيده طاري عينك صار

بس طلبوها مني ومجبر ……. احجيها

==

روحي تحب روحك واسر بيه
والمحبه هاي من الله يسر بيه
يربي شخال بحسنك سر بيه
تسر الروح من تمر به

حلو اسمك ابوك شلون سماك
وحبيبك لوتعادى وياك سماك
اناصرت السمكة وانت السماك
دخيلك اذا صدتني اعطف علية

أنفطر كلبي بسبب هجرك وبعده لك

و عمري مسجل بأسمك وبعده لك

واكلك شوف صبري بميزانك وعد لك

يتحمل بعد لو هاي هيه

شلك بلي ياذيك لاذاك
اتركه وبعد لاتطريه لاذاك
اكله الدرب هذايكول لاذاك
لايندل ولايستدل بيه

وتاعي متى دنياي تصحالي ؟
علي تردف مزن كامت وتاعي
اهد طيري واظل اشلي وتاعي
احسن لو اكص ريشه بديه؟

روحي معلعلة ماكو طبلهة
وتدك ياحيف شماتي طبلهة
نثرتي الرفش مو وحدة طبلهة
نخة ركوك وكلن كلهن سوية

الخلك تمشي مشي ابراضه وانا حيل
جسمي من الهوى راكد وانا حيل
كلمن سعى بوصالك وانا حيل
تبره من الرسول ومن وصيه

جواهر مثمنه اخدوده وشافه
يطيب جرح دلالي وشافه
دنيته وحضر واشينه وشافه
جفل وابسم وصد مغضب عليه

انه بهذه الزمن كاتب وقاري
وشيبي من صغر سني وقاري
وطني و عالمي حزني وقاري
ابجي هنا تحن لندن علية

==

دك المبايل وفز القلب فزه
حيالله المسج وحيالله من دزه
هلا بالعزيز الى اله بالكلب اكبر معزه
طبع فينا الوفى والي يعزنا نعزه
……………….
وثيقه بكل فخر قلبي وثقلك
جبل ما شفت بخلاقك وثقلك
الك يرخص دمع عيني وثقلك
ثق القلب لو دك يوكع بديه
………………….
تمرضت وصعد مرضي على شفاي
وطب لندن فلا يكدر على شفاي
حبيبي من تحط شفتك على شفاي
اطيب وكل مرض ما يضل بيه
………………
مفارك والليالي سنين مرن
وعلي صاير لذيذ الزاد مرن
طفر قلبي على النقال من رن
لا حسيت روحي ادك عليه
………………
نشم عطرك يغالي من هوانه
ونحب كل من يحبنا ومن هوانه
شتضن اكدر اعوفك منهو انه؟
ولو عفتك مصيبه تحل عليه
………………
هوينه وغير شخصك ما هوينه
وعليك الروح تسئل ماهو وينه؟
امد ايدي عللى قلبي ماهو وينه؟
اذا عندك دخيلك رده اليه
………………
الرقم مشغول دك وادري ما مشغول
ترفض الاتصال شتقصد اشتعني؟
من تضغط رفض ما تقصد الارقام
من ترفض رقم معناها ترفضني
……………..
اذبح حدر جدمك من تمر دمعات
واطشن واهليه دموع البخدي
مو بيدي احبك حب فلا مشيوف
واتحدى اليحبك ياحلو بكدي

========

زماني شما لعب بيه…ولهتم
والراده علي يسري…ولهتم
بروحي شما تغيرتوا…ولهتم
لان حبكم دوه لكل مرض بيه

دهر ويامه تعصر بس سم اله
وجفة والموت صدك بس امله
شتظن روحي بغيابك بس امله
أحز شرياني وأرميه بهبية

قليله عقول تكدر تفهم شبيك
وصعب تلكه اليفهمك مثل روحه
البلبل بالقفص ماغرد ينوح
ويشوف الناس متونسه على نوحه

لدنيا من تحارب رجل تنفيه
تضكه ولا تخليله نفس تنفيه
اثاري الضحك للمغبون تنفيه
تحسده الناس والعله خفيه

دمعتي تستحي تنزل عالخدود
وما ترضه عليه اتباوع الناس
ولان كلش عزيزه و على متهون
طلبت مني ابجي امدنك الراس

==

أشيل الشوك من دربك وجرحي كان يدميني

كتبت الشعر مو لجلك ولكن فاض بي
بركان
وأما أنت فلا تسوين قصيده في نظر عيني

..

حلفتي لي تصونيني إذا صار الزمن خوان
وأول ما عثر حظي على دربك خذلتيني

..

كسر رمح الزمن صدري وجيتك اشتكي حيران
نزعتي الرمح من صدري وفي ظهري طعنتيني

..

خساره كييف حبيتك؟؟! نعم والله ندمان
غبي أدري نعم ادري ما دام انك سكنتيني

..

سنه من عمري وأنا في لعبتك غرقان
أشيل الشوك من دربك وجرحي كان يدميني

..

وكنت أبكي إذا تبكي وأكون لبسمتك فرحان
وكنت اقرب من رموشك لعينك يوم تبغيني
..
عرفتك للاًسف صحراء وحولتك إلى بستان
وشلتيني غصن أخضر وفي صخرك زرعتيني

..

حفرتك داخلي وظني تصوني عشرتي أزمان
وكنت أحفر قبر موتي على ساحل شراييني

..

على كف الشقا نامت جروحي والألم سهران
يحطمني .. يبعثرني .. وفي صحراك يرميني

..
..ولكن عزتي تفرض أكون بدنيتي سلطان
وإن ظنك أجي أركع لرجلك… ما عرفتيني

..
أنا مو عادتي اشحذ من أمثالك رضا وإحسان
أموت بعزتي ارحم ولا ذلك يغطيني

..
وما دام الوفا عندك يدور له على عنوان
بدور لي على قلب يصون الحب وسنيني

..

ولو قلبي رجع حَبك بولع فيه بالنيران
وبكسرها أنا رجلي إذا صوبك توديني

..
ولو دار الزمن ضدك وجيتي تطلبي الغفران
وجبتي الشمس في كفك لعندي..ما بتلقيني

..
تقول الناس في وصفك جميله مثل عود البان
وإنك أجمل وأحلى بشر مخلوق من طيني

وإنك غالية وأثمن من الياقوت والمرجان
تقوم أكوان من أجلك وتقعد لك بلاديني

..

حسافه غرهم شكلك ويا ما تخدع الألوان
عموماً .. بقت كلمة أخيرة لك على قلبي وسمعيني

..
إذا كنتي بنظر غيري ملاك على هيئة إنسان
قسم بالله ما تسوين شعره من رمش عيني
__________________